Fjárfestingarstefna og ávöxtun sjóðsins
Sameinaði lífeyrissjóðurinn er einn stærsti lífeyrissjóður landsins. Eignir hans námu 90,5 milljörðum í árslok 2008. Árið 2008 var nafnávöxtun sjóðsins neikvæð um 9,8% sem svarar til 22,5% neikvæðrar raunávöxtunar. Rekstrarkostnaður sem hlutfall af eign er um 0,13%. Rekstur sjóðsins er óháður verðbréfafyrirtækjum en leitast er við að skipta við þau verðbréfafyrirtæki innlend og erlend sem best og öruggust kjör bjóða á hverjum tíma.
Verðbréfaeign
Að frátöldum húsnæðislánum til sjóðfélaga stundar sjóðurinn ekki lánastarfsemi. Fjármunum sjóðsins er hins vegar ráðstafað í samræmi við samþykkt sjóðsins og fjárfestingarstefnu, sem kveðið er á um í samþykktum sjóðsins. Fjármunum er eingöngu ráðstafað til verðbréfakaupa fyrir milligöngu löggiltra verðbréfafyrirtækja. Sjóðurinn kaupir ekki verðbréf af sjóðfélögum eða fyrirtækjum, sem greiða til sjóðsins og stundar ekki bankastarfsemi. Sjóðurinn framfylgir fyrirfram ákveðinni fjárfestingarstefnu sem miðast við að tryggja öryggi og dreifa áhættu til lengri tíma litið.
Raunávöxtun 2003-2008
| 1992-2008 | 2003 | 2004 | 2005 | 2006 | 2007 | 2008 |
| 3,8% | 7,2% | 6,7% | 12,0% | 11,8% | 0,0% | -22,5% |
Fjárfestingarstefna Sameinaða lífeyrissjóðsins árið 2010
| Innlendar og erlendar fjárfestingar: | ||
| Eign í íslenskum krónum, nettó | 55-85% | |
| Eign í erlendum gjaldmiðlum, nettó | 15-45% | |
| Skipting fjárfestinga: | ||
| Bankainnistæður | 0-15% | |
| Skuldabréf | 55-85% | |
| Þar af innlent | 45-85% | |
| Þar af erlent | 0-10% | |
| Hlutabréf | 15-45% | |
| Þar af innlent | 0-5% | |
| Þar af erlent | 10-45% | |
| Þar af sérgreindar samfélagslegar ábyrgar fjárfestingar | 0,5% | |
| Skipting skuldabréfa: | ||
| Skuldabréf með ábyrgð ríkissjóðs | 25-85% | |
| Skuldabréf með ábyrgð sveitarfélaga | 0-25% | |
| Skuldabréf fjármálafyrirtækja | 0-8% | |
| Skuldabréf með fasteignatryggingu | 5-30% | |
| Skráð markaðsskuldabréf fyrirtækja | 0-15% | |
Fjárfestingarstefnan framkvæmist í samræmi við gildandi lög og samþykktir sjóðsins á hverjum tíma. Öll hlutföll eru hér sett fram sem hlutfall af hreinni eign sjóðsins.
Stjórn Sameinaða lífeyrissjóðsins á aðild að reglum Sameinuðu þjóðanna um ábyrgar fjárfestingar (Principles for Responsible Investment). Reglurnar sem eru leiðbeinandi fyrir stofnanafjárfesta um allan heim fela í sér að þátttakendur skuldbinda sig til að taka tillit til umhverfislegra og félagslegra þátta við fjárfestingar sínar, auk þess sem lögð er áhersla á góða stjórnarhætti fyrirtækja sem fjárfest er í.
