Vextir og kostnaður

Almenn lánskjör

• Ekkert hámark er á lánsfjárhæð ef hún er innan veðmarka. Hámarks veðsetning er 65% af verðmati og heildarveðsetning skal aldrei fara yfir 100% af brunabótamati.
• Lágmarkslán er kr. 400.000.
• Heimilt að greiða upp sjóðfélagalán hvenær sem er án uppgreiðslugjalds.
• Lánstíminn er 5-40 ár að vali lántaka.
• Gjalddagar á ári eru 4 – 12 að vali lántaka
• Lánin eru verðtryggð m.v. vísitölu neysluverðs.
• Lántökugjald er 1% á sjóðfélagalánum.
• Lántakendur greiða einnig innheimtukostnað af afborgunum skuldabréfa

Lánaflokkar
Almenn sjóðfélagalán

• Vextir eru 4,5% en lækka í 4,3% frá 1. október 2010.
• Val er um það hvort lán er með jöfnum afborgunum eða jöfnum greiðslum (annuitet).

Vextir taka breytingum skv. ákvörðun stjórnar sjóðsins og eru endurskoðaðir a.m.k. 4 sinnum á ári; þann 15. janúar, 15. apríl, 15. júlí og 15. október ár hvert.

Sjóðfélagalán með 4,95% föstum vöxtum

• Eingöngu lán á 1. veðrétt.
• Val er um það hvort lán er með jöfnum afborgunum eða jöfnum greiðslum (annuitet).
• Uppfylli lántaki ekki lengur skilyrði um greiðslu til grunndeildar eða séreignardeildar sjóðsins eða sé lánið yfirtekið af nýjum skuldara hækka vextir og verða breytilegir og hinir sömu og á almennum sjóðfélagalánum.

Gjaldtaka vegna þinglýsingar og stimplunar skuldabréfa  greiðist til ríkissjóðs.

• Fyrir þinglýsingu allra skjala ber í flestum tilfellum að greiða þinglýsingargjald kr. 2.000 (mismunandi upphæð eftir sýslumannsembættum).
• Auk þess greiðist stimpilgjald í ríkissjóð 1,5% af fjárhæð veðskuldabréfs. Frá 1. júlí 2008 er þó ekki greitt stimpilgjald vegna veðskuldabréfa sem útgefin eru vegna fjármögnunar á fyrstu íbúð einstaklings (sjá nánar). 
• Fyrir veðbókarvottorð greiðist almennt kr. 1.500.
• Skjöl til þinglýsingar skal afhenda í tvíriti (frumriti og afriti á löggiltum skjalapappír).
• Þinglýsing skjala tekur yfirleitt tvo daga.

Allar nánari upplýsingar um þinglýsingu skjala er að finna hér.