Helstu lánareglur
Hverjir eiga rétt á lánum ?
- Lán eru veitt til virkra sjóðfélaga og rétthafa séreignarsparnaðar, þ.e. þeirra sem greiða reglulega til sjóðsins.
- Sjóðfélagi/rétthafi þarf að hafa greitt iðgjöld samfellt til sjóðsins síðustu 6 mánuði.
- Sjóðfélagi, sem sannanlega hefur stundað nám eða dvalist erlendis hefur lánsrétt, enda uppfylli hann skilyrði til lánveitingar að öðru leyti.
- Lífeyrisþegar geta átt kost á láni frá sjóðnum, enda hafi þeir haft lánsrétt sbr. framangreint þegar taka lífeyris hófst og sanni greiðslugetu sína með greiðslumati frá viðskiptabanka sínum.
Veð:
- Lán eru eingöngu veitt gegn veði í íbúðarhúsnæði, sem umsækjandi á eða er að kaupa. Ekki er veitt lán með lánsveði.
- Lán sem veitt eru, að viðbættum forgangsveðskuldum, uppfærðum með vöxtum og verðbótum, mega ekki vera hærri en sem nemur 65% af fasteignamati eða markaðsvirði eignarinnar, það sem lægra er, þó ekki umfram 100% af samanlögðu brunabótamati og lóðarmati.
- Við mat á markaðsvirði er höfð hliðsjón af kaupsamningi, fasteignamati, og ef sjóðurinn telur ástæðu til sjálfstæðs mats á eigninni frá löggiltum fasteignasala sem tilnefndur er af sjóðnum. Slíkt mat fasteignasala er á kostnað lántaka.
- Sérstakrar varúðarsjónarmiða er gætt varðandi húsnæði sem talið er að geti verið erfitt í endursölu.
- Ekki er veitt lán með veði í eign sem hefur lægra fasteignamat en kr. 4.000.000. Ekki er lánað út á ósamþykktar íbúðir eða íbúðir í byggingu sem ekki hafa fokheldisvottorð eða eru brunatryggðar.
Annað:
- Sjóðfélagar/rétthafar sem sjálfir standa skil á iðgjöldum sínum til sjóðsins þurfa að vera skuldlausir við sjóðinn þegar lánsumsókn berst.
- Skilyrði lánveitingar til þeirra sem þegar eru með lán hjá sjóðnum er að lánið sé í skilum.
- Sjóðurinn áskilur sér rétt til að óska eftir skuldayfirliti og greiðslumati lánastofnunar vegna umsóknarinnar. Sé skuldastaða með þeim hætti að vafi leiki á greiðsluhæfi lántaka getur sjóðurinn lækkað umbeðna lánsfjárhæð eða hafnað lánveitingu.
- Lántakendur greiða lántökugjald skv. gjaldskrá sjóðsins svo og kostnað við útvegun gagna, stimplun, þinglýsingu, verðmat veðsettra eigna og greiðslumat.
- Lántakendur sjá sjálfir um þinglýsingu skuldabréfa.
Lánareglur Sameinaða lífeyrissjóðsins 1. janúar 2012 á pdf-formi.
- Lög um ábyrgðarmenn, nr. 32/2009 -