8. janúar 2009

Ávöxtun séreignar árið 2008

Um 1% nafnávöxtun var á langstærstu ávöxtunarleiðum sjóðsins í séreign á árinu 2008, en það er almennt hægt túlka þannig að höfuðstóll í upphafi árs 2008 og iðgjöld greidd á árinu hafi verið tryggð.  Hins vegar jókst verðbólga mjög seinni hluta ársins og því miður eru áhrif fjármálakreppunnar m.a. þau að ekki tókst að halda raungildi eigna á síðasta ári.  Vert er þó að hafa í huga að séreignarsparnaður er langtímasparnaður og ef  horft er til síðustu 5 ára er jákvæð árleg raunávöxtun á skuldabréfaleiðinni og öllum Aldursleiðum sjóðsins.  

	Leið 2 - Skuldabréfaleið	Aldursleið 1	Aldursleið 2	Aldursleið 3	Aldursleið 4
Nafnávöxtun árið 2008	1,0%	-4,0%	-2,0%	-0,2%	0,8%
Árleg nafnávöxtun sl. 5 ár	9,3%	8,9%	9,5%	9,2%	9,3%
Árleg raunávöxtun sl. 5 ár	1,8%	1,5%	2,0%	1,7%	1,8%

 

 

 

 

 

Sjá nánari upplýsingar um ávöxtun allra ávöxtunarleiða í kaflanum um ávöxtun séreignar hér á heimasíðunni. 

Sú ákvörðun að ráðstafa öllum nýjum iðgjöldum séreignardeildar á verðtryggða innlánsreikninga sem njóta ríkisábyrgðar er enn í gildi.