Eignir jukust um 8.200 milljónir króna árið 2007. Nafnávöxtun 5,9%.

Rekstur Sameinaða lífeyrissjóðsins hefur gengið mjög vel undanfarin ár og er staða hans sterk þrátt fyrir óhagstæða þróun hlutabréfamarkaða á síðasta ári. Eignir sjóðsins við áramót námu 96,6 milljörðum króna og höfðu hækkað um 8,2 milljarða milli ára eða um 9,3%. Þannig voru eignir umfram áfallnar skuldbindingar 6.226* milljónir króna eða 6,9%* og eignir umfram heildarskuldbindingar voru 2,5%* í lok árs 2007. Á síðastliðnu ári var nafnávöxtun eigna sjóðsins 5,9% sem er jafnt hækkun vísitölu neysluverðs á árinu. Ávöxtun síðustu 5 ára má sjá hér að neðan, en meðal raunávöxtun þessara ára er 7,5%. 

Inneignir í séreignasparnaði námu alls 3,8 milljörðum króna í árslok og var ávöxtun einstakra leiða í takt við þróun markaða á árinu og komu þær leiðir sem höfðu meira vægi skuldabréfa almennt betur út en þær sem vægi hlutabréfa var hátt. Tæplega 80% eigna í séreignarsparnaði sjóðsins eru í innlendum skuldabréfum.

Helstu niðurstöður ársreiknings 2007:  

Í samræmi við breytingar á samþykktum sjóðsins sem ákveðnar voru á síðasta ársfundi voru grunndeildir sjóðsins, stigadeild og aldurstengd deild sameinaðar um sl. áramót í eina tryggingadeild. Vegna sameiningarinnar voru áunnin réttindi í aldurstengdri deild hækkuð um 10,75%*, en allir greiðandi sjóðfélagar áttu a.m.k. hluta réttinda sinna þar.

Ársskýrsla 2007 verður aðgengileg hér á heimasíðunni strax og hún verður tilbúin.

*) Breyttar tölur frá því sem áður var birt vegna leiðréttingar á útreikningi á stöðu grunndeilda.