Breytingar á tekjuskatti 1. janúar 2010

Breytingar á tekjuskatti voru samþykktar á Alþingi í dag og taka þær gildi 1. janúar 2010. Staðgreiðsla skatts á lífeyri reiknast  samkvæmt hinum nýju lögum við útborgun þann 1. febrúar nk. vegna lífeyris fyrir janúar.   

Tekin eru upp þrep í ákvörðun tekjuskatts.  Skattprósentan, tekjuskattur að viðlögðu 13,12% útsvari,  verður 37,22% á tekjur undir 200 þúsundum króna á mánuði, 40,12% á þeim hluta tekna sem eru frá 200 þúsundum að 650 þúsundum króna og af tekjum sem umfram verða 650 þúsundum króna mun reiknast 46,12% staðgreiðsla skatta. Persónuafsláttur verður 44.205 kr. á mánuði.  Sjá nánari útskýringar og dæmi á vef Ríkisskattstjóra - rsk.is